Featured Video Play Icon
Dani von Wattenwyls Anti-Coronavirus-Gedicht – Teil 22. (Video: Telebasel)
Basel

«Corona, wie lang willsch Du denn no bliibe»

Das Coronavirus hat uns fest im Griff – trotzdem gilt es, den Humor nicht zu verlieren. Ab sofort schreibt Dani täglich ein Anti-Coronavirus-Gedicht.

Corona, weisch was? Hau ab! 22

Corona, wie lang willsch Du denn no bliibe
Kha me Di denn mit gar nüt vertriibe

Jetzt stöhn doch d’Oschtertäg vor dr Tüüre
Bi so Wätter nimmt me wieder die kurze Hose füüre

Aber wäge Dir kha me niene ane reise
Emol ehrlich, Du  hesch doch e Meise

Verdirbsch uns allne das schöne Oschterfescht
Jänu: Me muess es akzeptiere, aber nur unter Protescht!

Aber wie immer seh ich wieder s’Positive drin
Ei Vorteil isch, dass nid alli im Tessin unde sin

Ich ha sowieso nie dä Härdetriib verstande
Wieso immer alli an Oschtere im Süde sin go lande

Scho allei d’Reis dört abe duurt vieli Stunde
Und denn stöhn sie sich uf de Fiess ume, dört unde

Nid dass me mi falsch verstoht: S’Tessin isch e Pracht
Und e Reis in d’Sunnestube het no immer e Sinn gmacht

Aber doch nid grad alli uf ei Moll
Dasch doch nid würklich bsunders toll

Und denn stöhn sie wieder im Stau am Gotthard, die unsägliche Automasse
Me weiss, dass me nid vorwärts kunnt aber fahrt glich dri, dass ischs Krasse

Stau isch nume für Päärli wo wänn hürote guet, will die denn nid im dunkle tappe
Wenn nämlich me e Stau ohni Stritt überstoht, denn duets au mit Ring am Finger klappe

Wär disjohr gliich losfahrt wird spötischtens am Gotthard floppe
Will jede wo nid dört ane g’hört duet d’Urner- Polizei sofort stoppe

Kasch denn grad wieder umkehre und Heime go
Drum losch am beschte s’Auto in dr Garage stoh

Aber nöggschts Johr do reise mir wieder alli ins Tessin, das ischs Motto
Me trifft sich unter de Kaschtaniebäum, am Luganersee oder im Grotto

Denn düen mir für d’Schwizer Wirtschaft wieder richtig Gäld usgäh
In volle Züg düen mirs gniesse, das löhn mir uns uf kei Fall näh

Und wenn de trotzdäm vom Stau nid kasch d’Finger loh
Duesch eifach vor Oschere an Migros- Kasse ane-stoh

Oder als Alternative:
Muesch eifach vor Oschtere go ihkaufe goh

Schreiben Sie einen Kommentar

Ihre E-Mail-Adresse wird nicht veröffentlicht. Erforderliche Felder sind mit * markiert.

*