Featured Video Play Icon
Dani von Wattenwyls Anti-Coronavirus-Gedicht – Teil 11. (Video: Telebasel)
Basel

«Die arme Hünd hän mittlerwiile e sensationelli Gassi-Quote»

Das Coronavirus hat uns fest im Griff – trotzdem gilt es, den Humor nicht zu verlieren. Ab sofort schreibt Dani täglich ein Anti-Coronavirus-Gedicht.

Corona, weisch was? Hau ab! Tag 11

Corona, au hütt hesch Du wieder e stuure Grind

Das zeigt eimol mehr warum mir keini Fründe sind

Ei Tag meh wo me Dir wieder muess uswiiche wo’s nur goht

Wenigschtens schiine jetzt alli z’begriffe wies um d’Menscheheit stoht

Wäge Dir muess me immer andersch plane

Stoht ein z’noch, muess me neume andersch ane

Wägem stete Händwäsche damit alli Coronabakterie düen verrecke

Duet jetzt mi Gipfeli am Morge nach Desinfektionsmittel schmecke

Aber grad das ständige ahpasse und die ewig neue Regle

Düen dr Rythmus vo jedem Tag für Tag ganz neu pegle

Au wenn me nume e bitz früschi Luft goht go schnappe

Macht mes mit Ihkaufstäsche, das duet als Entschuldigung klappe

Und die Arme Hünd, die hän mittlerwiile e sensationelli Gassi-Quote

Die müen am Tag so viel use, die hän scho Blootere an allne Pfote

Nid nur will d’Herrli ständig mit ihne ihri Runde wänn go laufe

Au bi jedem Nochber müen sie mit, als Alibi zum Milch go kaufe

Übrigens het me mit Statistike usegfunde, das isch kei Witz

D’Bedürfnis vo Natione in dr Krise unterscheide sich e bitz

Prioritäte vo de Länder bi dere Pandemie sind ganz verschiide

Zuegäh, dass me will Vorrot ha, dä Impuls isch bi allne bliibe

Aber:

Mir kaufe Riis, die Dütsche WC-Papier und d’Franzose Kondom und Wyy

Die dringende Bedürfnis könne also vo Land zu Land ziemlich unterschiidlich sii

Und egal zu wellere Nation sich Maa und Frau au zelle Duet

Dr Nochwuchs wird in dere Krise daheim vo de Eltere gschuelt

Dank Corona müen d’Eltere jetzt ih-see bi ihrem Kind

Dass bim lehre eigentlich nid d’Lehrer s’Problem sind

In de Zyttige orakle d’Horoskop und das isch für eimol wohr

Wäge dere Pandemie ligge sich Maa und Frau ständig in de Hoor

Jetzt hets e Jedi und Jede begriffe, egal ob Wassermaa, Widder oder Fisch

Zum glücklich sii längts wenn me nume in de Ferie 24 Stunde zäme isch

1 Kommentar

  1. Einfach herrlich!!! Da ich Freundinnen habe die mit dem Internet nicht begabt sind, habe ich die Zeilen kopiert und sende sie per E-MAIL!

    Mann/Frau muss dieser Krise auch mit Humor begegnen, sonst hält man es nicht aus!Report

Schreiben Sie einen Kommentar

Ihre E-Mail-Adresse wird nicht veröffentlicht. Erforderliche Felder sind mit * markiert.

*